Back Marco Polo ALS ማርኮ ፖሎ Amharic Marco Polo AN Mako Polo ANN मार्को पोलो ANP ماركو بولو Arabic ماركو پولو ARY ماركو بولو ARZ মাৰ্ক’ প’ল’ Assamese Marco Polo AST
Marco Polo | |
|---|---|
 | |
| Gebore | Marco Pilicin 15 September 1254 |
| Sterf | 8 Januarie 1324 |
| Nasionaliteit | Italië |
| Beroep | Handelaar |
| Bekend vir | Die Reise van Marco Polo |
| Eggenoot | Donata Badoer |
| Kinders | Fantina, Bellela en Moretta |
| Ouer(s) | Moeder: Nicole Anna Defuseh Vader: Niccolò Polo |
Marco Polo (15 September 1254 – 8 Januarie 1324) was een van die eerste (tesame met sy pa en oom) Westerlinge om met die syroete na China te reis. Sy boek Il Milione dokumenteer sy roete na en ondervindings in die Ooste.
Marco Polo (1254?- 1324) was ʼn Venesiër wat in die tweede helfte van die 13e eeu 'n geruime tyd saam met sy vader en oom in die hoofstad van die Mongoolse Ryk vertoef het. Die boek wat hy geskryf het, is as Middeleeuse land en volkbeskrywing uniek in die opsig dat dit op eie ervaring berus.
As gevolg van die vinnige verspreiding van die Islam sedert die 7e eeu is die verbindingsweë tussen Europa en Asië in die Middeleeue afgesny. In die 12e eeu het die situasie in China verander deur die ontstaan van die Mongoolse Ryk, wat blitsvinnig deur die nomadiese Mongole onder leiding van Djengis Khan opgebou is. In die tweede helfte van die 13e eeu was Koeblai Khan (Groot Khan) die opperheerser van die Mongoolse Ryk wat van die Swart See in die weste tot by Noord-China in die ooste gestrek het.
Die ryk was verdeel in provinsies, elk onder ʼn eie Mongoolse khan. Koeblai se winterverblyf was in 'n nuwe stad, Kahnbalig, wat in 1267 gestig is en later as Peking bekend geword het. Die herstel van die orde onder die Mongoolse bewind in Asië het dit weer moontlik gemaak om te reis. Waarskynlik het Europese handwerkers nog voordat Koeblai aan die bewind gekom het, na die Mongoolse hof gereis om hul dienste daar aan te bied.
Die soort kontak tussen die Ooste en Weste het teen die einde van die 14e eeu, met die ineenstorting van die Mongoolse Ryk, tot 'n einde gekom. Teen die einde van die 15e eeu was die direkte roete oor land weer onbruikbaar en moes 'n nuwe seeroete om Afrika met groot moeite gesoek word.